|
Cronica dau dijòus 7 de feurèir 2013
|
Aquesta setmana l'actualitat importanta per la vila es culturala, qu'es aquela dau festivau de cinema. Trenta ans quò li fai au « festivau internacionau dau promèir film » d'ès Anonai ! Lo bel atge ! Arriva dins sa maturitat e d'aqueste an sembla dins son melhor.
L'idèia de presentar de promèirs films èra bona. En trenta ans n'es passat de monde es Anonai e aqueles qu'èran de començaires un pauc crentós son devenguts de còps de realisators importants. Lo festivau deuriá profitar iura de tot aquel investiment. Maturitat, mas lo plaser simple resta lo mèsme per aquel festivau que fai pas de manièras, coma disem nosautres. Tot se passa doncas dins la simplicitat e lo boneür de poire anar tots los jorns au cinema daube solament la dificultat de chausir dins una oferta tant abondanta.
Mai de quaranta films, n'i aviá quaranta cinc l'an passat, benlèu cinquanta d'aqueste an, l'abondança es un plaser. Mas i a mai la qualitat dau plaser que compta, l'ambient. E si vira la fèsta dau cinema qu'es per çò que los benevòls fan viure la botica. E o fan de biais. Per assurat i a las aidas importantas de la vila, la comunautat de las comunas, lo departament, la region e mèsme l'estat, e totas aquelas aidas son las benvenguas, mas son tant luènh de sufire. Doncas, o fau tornar dire, los benevòles son a la manòvra e los fau remerciar.
Quauquan que s'es desvelopat e arriva mai a maturitat per los trenta ans es lo "Wizz mag". Benlèu, se siètz pas abituats dau festivau, siètz a vos demandar çò qu'aquò es. Los joines, liceans o autres, fan de videos sus lo cinema e presentan lhur travalh, detz minutas se vos plai, e tots los jorns, lo vèspre per la seança de 21 oras. D'"interviews" (coma se ditz en francés !), de raportages, de comentaris, coma a la tele, mas tant melhor que la tele per çò que i a la spontaneitat, la freschor de la joinessa e lo gost dau travalh ben fait e pas manièrat.
Per achabar, se èra possible de faire una proposicion, demandarió que a las 6 seccions d'aquel festivau se poguesse apondre una 7e que seriá la seccion films occitans. Tots los ans se demandar qué de nòve dins lo cinema occitan ? Seriá mai un biais d'aver lo sosten d'autras regions, las regions occitanas.
Cette semaine l'actualité importante de la ville est culturelle, c'est celle du festival de cinéma. Voilà qu'il a trente ans le festival international du premier film d'Annonay ! Le bel âge ! Il arrive en pleine maturité et semble encore meilleur cette année.
L'idée de présenter des premiers films était bonne. Bien des gens sont passés par Annonay en trente ans et ceux qui étaient des débutants un peu timides sont devenus parfois des réalisateurs importants. Le festival devrait ainsi profiter d'un tel investissement. Maturité oui, mais la simplicité reste la marque de ce festival qui n'est pas prétentieux. Tout se passe donc simplement avec le bonheur de pouvoir aller tous les jours au cinéma avec pour seule difficulté, le choix parmi une offre si abondante.
Plus de quarante films, il y en avait quarante cinq l'an dernier, peut-être cinquante cette année, l'abondance est plaisir. Mais la qualité compte aussi et l'ambiance. Et si cette véritable fête du cinéma fonctionne c'est bien grâce aux bénévoles qui font un excellent travail. Il y a bien sûr les aides importantes de la ville, de la communauté de communes, du département, de la région et même de l'état, mais si ces aides sont les bienvenues, elles sont loin de suffire. Les bénévoles sont donc bien nécessaires et doivent être remerciés.
Ce qui s'est développé et arrive aussi à maturité pour les trente ans, c'est le "Wizz mag". Pour ceux qui ne sont pas habitués du festival, disons que les jeunes, lycéens ou autres, font de la vidéo à propos du cinéma et présentent leur travail, dix minutes s'il vous plait, tous les jours, pour la séance du soir à 21 heures. Des interviews, des reportages, des commentaires, comme à la télé, mais mieux qu'à la télé car il y a la spontanéité, la fraîcheur de la jeunesse et le goût du travail bien fait, mais pas prétentieux.
Enfin, s'il était possible de faire une proposition, je demanderais qu'aux 6 sections autour desquelles s'organise la programation de ce festival on puisse y ajouter une 7e qui serait la section « films occitans ». Chaque année, se demander : quoi de neuf dans le cinéma occitan ? Ce serait aussi un moyen d'obtenir le soutien d'autres régions, les régions occitanes.