Lo tristum ganha.


Cronica dau dijòus 3 d'avril 2014

Aqueste matin qu'es pas per rire, e i a de jorns coma aquò. A la ràdio fan, coma tant sovent, dins lo triste, qu'es lo tristum. Ren vai pas mai, lo governament governa pas, lo president ten pas sas promessas, lo deute es totjorn mai prigond e l'Euròpa arresta pas de bramar. E quò s'arranja pas, que lo moral daus mainatges fot son camp, es au mai bas, e qu'es per aquò que la reprisa economica pòt pas tornar, i a gis de consomacion. E l'òm se sent quasi copable, d'un pauc mai anirió achaptar doas baguetas de pan per una, juste per veire se la consomacion a pas un petit fremiment. Daube un ambient coma aquò t'aniriàs fotre au Ròsne. Ai tuat la ràdio e sió anat veire lo papet.

"As pas trovat que las eleccions municipalas èran pas talament plasentas ? " Qu'èra pas de politica que voliá parlar lo papet, aquò l'interessa per assurat, a ben sas idèias, mas que los uns o los autres ganhan ne'n fai pas una malautiá. "Las eleccions passan, nosautres demorem", qu'es son mot. Mas tròva que los òmes politics se vòlon tròp seriós, audumens qu'es l'epòca que vòl aquò.

Fau faire dins lo seriós per plaire au monde, tot juste elegits nos dison que van viste se botar au travalh e qu'anem veire çò qu'anem veire. Deuriàn prendre un pauc de temps per essaiar de nos distraire un pauc, nos galar daube un pauc de cultura, vòlo dire nos parlar de nosautres, de nòstra viá, de nòstres amors, nos faire somjar e nos contar d'istòrias, un pauc de poesia a jamai tuat dengun, au contrari. Non, nos parlan mas de travalh, d'esfòrç, e tan mai fòrçan, tan mai travalhan, tan mai lo país es maucontent. E s'enfonça dins lo tristum.

Qu'es lo 1° d'avril qu'escrivo, m'anètz legir lo 3, tròp tard per vos faire un genti peisson d'avril, seriá plus tròp fresc. Aurió pogut vos dire que la comuna a decidat de consacrar un budget especific per la linga e la cultura occitana, qu'an nomat un conselhièr referent en charja d'aquela cultura, e qu'a comptar d'encuei las deliberacions seràn publiaas dins las doas lingas...

Mas siem lo 3 d'avril...



La tristesse gagne.

Ce matin ce n'est pas drôle, il y a des jours comme cela. La radio fait dans le triste, comme bien souvent. Rien ne va plus, le gouvernement ne gouverne pas, le président ne tient pas ses promesses, la dette se creuse toujours et l'Europe est très mécontente. Et rien ne s'arrange car le moral des ménages s'effondre, il est au plus bas, et c'est pour cette raison que la reprise économique n'est pas au rendez-vous, il n'y a pas assez de consommation. L'on se sent presque coupable, pour un peu j'irais acheter deux baguettes au lieu d'une, histoire de voir si la consommation n'a pas un léger frisson. Avec une telle ambiance on irait se jeter au Rhône. J'ai fermé la radio et je suis allé voir le papet.

"Tu n'as pas trouvé que les élections municipales n'étaient pas tellement gaies ?" Il ne voulait pas parler de politique le papet, ça l'intéresse bien sûr et il a aussi ses idées, mais que les uns ou les autres gagnent, il n'en fait pas une maladie. "Les élections passent, nous, nous restons", c'est son mot. Mais il trouve que les hommes politiques font trop dans le sérieux, ou plutôt c'est l'époque qui veut cela. Il faut paraître sérieux pour plaire aux gens, à peine élus ils déclarent qu'ils vont très vite se mettre au travail et que nous allons voir ce que nous allons voir. Ils devraient prendre un peu de temps pour essayer de nous distraire un peu, nous régaler avec un peu de culture, je veux dire par là, nous parler de nous-mêmes, de notre vie, de nos amours, nous faire rêver et nous conter des histoires, un peu de poèsie n'a jamais fait de tort à personne, bien au contraire. Non, ils ne nous parlent que de travail, d'effort, et plus ils forcent, plus ils travaillent, plus le pays est mécontent. Et il s'enfonce dans la tristesse.

J'écris ce 1°avril, vous me lirez le 3, trop tard pour vous faire un gentil poisson d'avril, il ne serait plus très frais. J'aurais pourtant pu vous dire que la commune a décidé de consacrer un budget spécifique à la langue et à la culture occitane, qu'un conseiller référent a été nommé, en charge de cette culture et qu'à compter d'aujourd'hui les délibérations seront publiées dans les deux langues...

Mais nous sommes le 3 avril...