Ràdio Vivarés.


Cronica dau dijòus 21 de julhet de 2011

I a solament trenta ans que tombava lo monopòli de l'estat sus las ondas ràdios. Davant èran autorizaas las ràdios de servici public e quauquas autras que las disián perifericas (Luxemborg, Montecarlo, Andòrra e la darrèira Euròpa 1). E, au país, los ancians amavan ben escotar la ràdio soïssa, lhi trovavan surament un petit èr de libertat. Vès nosautres i aviá un veisin qu'escotava mesme la metèo sus « la Soïssa », las previsions èran tant melhoras, coma nos disiá. Qu'èra lo temps onte lo monde parlavan mai de ràdio Sottens, aquela ràdio soïssa que me semblava, enfant, ben misteriosa. Me sió laissat dire que s'èra quesaa solament d'aqueste an...

E de temps l'Estat defendèt son monopòli. Los Anglés, en 1964 comencèran daube ràdio Carolina que fasiá sas emissions sus un batèl, en plena mar. En França, las promèiras ràdios qu'apelavan ràdios piratas brolhèran en 1977, la reaccion fuguèt dura : arrestacions, condemnacions, amendas ! En 1979, « radio Riposte » fuguèt lançaa per lo partit socialista e lo Francés Mitterrand que se preparava per èstre candidat per la presidéncia de la Republica. La reaccion fuguèt viva e i aguèt d'intervencions de la polícia. Après l'eleccion de Mitterrand en mai de1981, en julhet, èran dejà una trentena de ràdios que se sonavan ràdios libras. Finalament lo governament novèl bailèt la libertat de las ondas lo 9 de novembre de 1981.

Vès Anonai, en 1982, naisseguèt la promèira ràdio, ràdio Kir, puei en julhet, ràdio Vivarés, qu'anava començar d'emissions occitanas lo 7 de setembre. Debutava una genta aventura per la linga d'òc ès Anonai e que durèt mai de dètz ans.



Radio Vivarais.

Il y a seulement trente ans que disparaissait le monopole de l'état sur les ondes radios. Avant, seules les radios de service public étaient autorisées ainsi que celles que l'on appelait radios périphériques (Luxembourg, Monte-Carlo, Andorre et la dernière Europe 1). Chez nous, les anciens aimaient bien écouter la radio suisse, ils lui trouvaient sûrement un petit air de liberté. Nous avions un voisin qui écoutait même la météo sur « la Suisse », car nous disait-il, les prévisions étaient bien meilleures. C'était aussi le temps où les gens parlaient de radio Sottens, cette radio suisse qui me semblait, enfant, bien mystérieuse. Je me suis laissé dire qu'elle s'était tue seulement cette année...

Et longtemps l'état a défendu son monopole. Les anglais commencèrent dès 1964 avec radio Caroline qui émettait depuis un bateau en pleine mer. En France les premières radios que l'on appelait radios pirates apparurent en 1977, la réaction fut dure : arrestations, condamnations, amendes ! En 1979, « radio-Riposte » fut lancée par le parti socialiste et François Mitterrand qui préparait sa candidature à l'élection présidentielle. La réaction fut vive et il y eut intervention de la police. Après l'élection de Mitterrand en mai 1981, en juillet, il y avait déjà une trentaine de radios que l'on appelait radios libres. Finalement le nouveau gouvernement accorda la liberté des ondes le 9 novembre 1981.

A Annonay, en 1982, ce fut la première radio, radio Kir, puis en juillet, radio Vivarais qui allait commencer des émissions occitanes le 7 septembre. C'était le début d'une belle aventure pour la langue d'oc à Annonay, qui allait durer plus de dix ans.