Lo PEN Club d'Òc


Cronica dau dijòus 18 d'octòbre 2012

I a gaire discutavam a dos o tres, parlavam la linga, la nòstra, la linga d'òc. Un amic que se vòl savent nos disiá : « Siètz ben braves daube vòstre patois, aquò nos amusa de vos escotar parlar, de veire que volètz le pas laissar perdre, mas lo patois es pas una linga, sustot que s'escriu pas. » Per quauqu'un coma mi, que passa un bon moment totas las setmanas a escriure un pauc, a essaiar de montrar qu'aquesta linga ne'n vau una autra, aquela reflexion fai mau. Mas fau ben reconèisser que se parla gaire de nòstra linga e de sos escrivans. Dins mon fenestron dau Réveil me sembla totjorn tornar dire, totjorn rabachar la mèsma veiaa e chapeletar encara. Aqueles que conèisson la musica me van dire : « Saves ben que l'autre nom dau revessin qu'es lo repetarèl ! » Pasmens. Pasmens... Nòstre problema qu'es qu'avem pas d'estructuras oficialas per nos federar, per nos far veire un pauc mai luenh que la serrena qu'enclau nòstre monde dau patois. Demorem engrumolats dins nòstre petit caire. Pasmens existan los escrivans d'òc e an existat davant los escrivans francés, qu'èra aus segles XII° e XIII°, una brilhanta civilizacion, aquela daus trobadors. E encuei avem totjorn d'escrivans, e de qualitat, s'es gardaa la flama de la linga vielha e l'an pas encara tuaa la farassa qu'esclaira lo chamin. Avetz benlèu auvit parlar dau PEN Club, una associacion d'escrivans. En Anglés, pen vòu dire estilo, deuriam doncas dire Estilo Club coma ditz un amic occitanista. Mas PEN es comòde per tot lo monde, se compren de pertot e en mai d'aquò fai un sigla : P per Poètas, E per Ensagistas (aqueles qu'escrivon de reflexions) e N per Novelistas, que se pòt comprendre. I a doncas, un Pen Club internacional, un Pen Club francés e mai un Pen Club d'òc que lo president n'es un escrivan de Montpelher Joan Frederi Brun. E lo Pen Club d'òc fará son A.G.per 2012 en Droma, ès Valença, lo 18 de novembre venent. Benlèu se parlará daus escrivans d'òc dins los jornaus d'ès nosautres lo mes que ven.

Le PEN-Club d'Oc

Récemment nous discutions à deux ou trois, nous parlions la langue, la nôtre, la langue d'oc. Un ami, qui se veut savant, nous disait : « Vous êtes gentils avec votre patois, ça nous amuse de vous écouter le parler, de voir que vous ne voulez pas qu'il se perde, mais le patois n'est pas une langue, et surtout il ne s'écrit pas. » Pour quelqu'un comme moi qui passe bien du temps toutes les semaines à écrire un peu, à essayer de montrer que cette langue en vaut une autre, une telle réflexion fait mal. Il faut bien reconnaître cependant que l'on n'entend guère parler de notre langue et de ses écrivains. Dans ma lucarne du Réveil, il me semble redire sans cesse la même chose et répéter et répéter encore. Ceux qui savent me répondront : « Tu sais bien que l'autre nom du roitelet ( revessin) c'est le repetarèl ! » Et pourtant. Le problème qui est le nôtre c'est que n'existent pas les structures officielles qui nous fédèreraient, qui nous permettraient de voir au-delà de l'horizon qui ferme notre monde du patois. Nous restons recroquevillés dans notre petit coin. Pourtant ils existent les écrivains d'oc et ils ont existé avant les écrivains français, c'était aux XII° et XIII° siècles, une brillante civilisation celle des troubadours. Et aujourd'hui existent toujours des écrivains d'oc et de qualité, elle s'est conservée la flamme de la vieille langue, on n'a pas encore éteint le flambeau qui éclaire le chemin. Peut-être avez-vous entendu parler du PEN-Club, une association d'écrivains. En anglais, pen signifie stylo ce qui fait que l'on devrait dire Stylo-Club comme dit un ami occitaniste. Mais PEN est pratique pour tout le monde, se comprend de partout et forme un sigle : P pour Poètes, E pour Essayistes, N pour Nouvellistes, ce que l'on comprend bien. Il existe donc un Pen-Club international, un Pen-Club français ainsi qu'un Pen-Club d'Oc dont le président est un écrivain de Montpellier Jean Frédéric Brun. Le Pen-Club d'Oc fera son AG 2012 dans la Drôme, à Valence le 18 novembre prochain. Peut-être alors parlera-t-on des écrivains d'oc dans la presse de chez nous le mois prochain.