|
Cronica dau dijòus 2 d'octòbre 2014
|
Iara que la rintraa es ben achabaa, sus lo còp de meijorn, l'òm tòrna veire alentorn daus establissaments scolaris de gropes de joines que s'arrossan per minjar una part. Assetats sus las peiras, sus los murs, dins los eschalèirs, son contents de se retrovar entre eles e de passar un bon moment luenh dau monde adulte.
Mas que minjan aqueles joines ? L'òm pòt se lo demandar. Los comèrcis, per minjar vite, se son desvolopats alentorn. L'important per los joines es de se retrovar ensems e l'òm pòt pensar qu'an bien dejunat lo matin e que las maires per lo sopar apromptan un bon repas que vai tornar equilibrar l'alimentacion de la jornaa d'aqueles grands enfants. Lo monde chamja vite, las abitudas alimentaras mai.
Quand anavam a l'escòla, a la meitat dau segle passat, nos levavam pro d'ora, que i aviá pas d'auto nimai de bus per nos adurre. La maire nos fasiá emportar un cachacrosta per lo matin e l'òm aviá, en vila, la chança de rintrar a la maison per lo dinnar. Minjar en familha a meijorn qu'èra quaucòm de normau a l'epòca. Mas trainavam pas, que chaliá tueit tornar partir, que lo chamin de l'escòla èra un pauc lòng.
Encuei son pro rares los escolans que rintran minjar a la maison, la viá actuala a chamjat los ritmes de viá e las abitudas. Dau còp lo meijorn es un moment de libertat, en defòra de la maison, per los liceans. Mas d'aquela libertat ne'n tornarem parlar un jorn...
Per tornar un brison sus lo passat me sovento qu'avió gaire envèia, pas pro fam, a dètz oras per minjar mon cachacrosta, e que l'avió escondut dins lo burèu en bòsc que m'èra atribuat a l'escòla. Josca au jorn onte mon veisin, qu'èra un orfelen, coma disián, per çò sa blauda èra nèira, las nòstras èran grisas, me demandèt perqué lo minjavo pas. Aqueles orfelens èran pro nombrós dins nòstra escòla, vivián tots ensems dins un orfelinat de garçons de la rua Grangéat.
A sos elhs veguèro que n'aviá l'envèia, aviá fam. Li bailèro doncas a comptar d'aquele jorn tots mos cachacrosta dau matin. E m'aperceguèro mèsme un jorn qu'aviá, bonsenhe, desbarrassat e minjat totas las vielhas parts que començavan de musir dins lo burèu.
Maintenant que la rentrée est bien terminée, vers midi, on recommence à voir autour des établissements scolaires, des groupes de jeunes qui se réunissent pour manger. Assis sur des pierres, sur les murs, dans les escaliers, ils sont contents de se retrouver entre eux pour passer un bon moment loin du monde des adultes.
Mais que mangent ces jeunes ? On peut se poser la question. Les commerces de restauration rapide se sont développés aux alentours. Mais l'important pour les jeunes c'est de se retrouver ensemble et l'on peut imaginer qu'ils ont bien déjeûné le matin et que les mamans préparent pour le soir un bon souper qui permettra de rééquilibrer l'alimentation journalière de ces grands enfants. Le monde évolue vite, de même que les habitudes alimentaires.
Quand nous allions à l'école, vers le milieu du siècle passé, nous nous levions assez tôt car il n'y avait pas de voiture ni de bus pour nous emmener. Maman nous faisait emporter un casse-croûte pour le matin et l'on avait, en ville, la chance de rentrer manger à la maison pour midi. Manger en famille à midi, c'était quelque chose de normal à l'époque. Mais nous ne nous attardions guère et il fallait vite repartir car le chemin de l'école était un peu long.
Aujourd'hui ils sont assez rares les écoliers qui rentrent manger à la maison car la vie actuelle a changé les rithmes de vie et les habitudes. Alors la pause de midi est pour les lycéens un moment de liberté, hors de la maison. Mais de cette liberté nous en reparlerons un jour...
Pour revenir un tout petit peu sur le passé, je me souviens que je n'avais pas assez faim et guère envie de manger mon casse-croûte à dix heures, je le cachais donc dans le bureau en bois qui m'était attribué à l'école. Jusqu'au jour où mon voisin, qui était orphelin, comme on disait alors, car sa blouse était noire tandis que les nôtres étaient grises, me demanda pourquoi je ne le mangeais pas. Ces orphelins étaient assez nombreux dans notre école, ils vivaient dans un orphelinat de garçons de la rue Grangéat.
A son regard je vis qu'il en avait envie, il avait faim. A compter de ce jour, je lui donnais donc tous mes casse-croûte du matin. Et un jour je m'aperçus même qu'il avait débarrassé et mangé tous les vieux restes qui commençaient à moisir dans le bureau.