De milions...de milions.


Cronica dau dijòus 4 de setembre 2014

Un genti film l'autre jorn. Qu'èra encara las vacanças, un bon temps per anar au cinema... ès La Lovèsc ! Savo pas se siètz au corrent mas i a un brave cinema au país de Sent Règis daube una programacion d'excepcion. L'estiu, los films ès La Lovèsc fan concurrença aus melhors cinemas, d'aicí josca ès Lion ! Per d'aqueste an, si los avètz mancats, qu'es fenit, chaurá apeitar l'estiu que ven.

Un genti film doncas :"La lista de mas envèias". Una joina mercièra que ten una petita botica en vila ama son travalh e lo fai de biais. Ama sa familha e la viá simpla, mas dinamica, qu'es la siá. Manca pas de travalh, tira pena per sa familha, mas sap menar son monde, e l'amistat compta fòrt per ila.

Dins aquela viá que l'òm pòt dire eirosa tomba, coma lo tronaire, la novèla : ven de ganhar 18 milions. E aquò li fai paur. Escond lo bilhet. Puei se demanda un pauc que faire de tots aqueles sòus. Ama son travalh e lo vòu pas placar, ama sas camaradas, ama son òme e li plai de lo veire valorizat per son travalh. A de boneurs simples, vòu ren chamjar. Fai de listas de ...sas envèias.

Coma es una persona simpla, a d'envèias simplas. Se, dins lo mèsme esperit, fasètz una lista, per un million, aquò fai pas mau de possibilitats. Se l'idèia es de pas tròp chamjar dins sa viá, sustot pas perturbar los equilibris, alara 18 milions qu'es pas ren. Savo ben que n'i a de vosautres que van bramar, manda los sòus e saurem que ne'n faire ! D'en bada, l'idèia dau film (es tirat d'un liure de Grégoire Delacourt) merita un moment de reflexion. De burre dins los espinarcs, siem tots d'acòrd, mas fau pas que lo burre neie los espinarcs, qu'es pas bon per la santat.

Lo mèsme jorn, los jornaus parlavan de Madama Lagarda que la justícia li pausa de problemas. Parlan de negligenças dins lo dorsièr Tapie. Pensètz veire, la "negligença" se monta aquí a mai de 400 milions que l'autre a emportats sens faire de manièras. Aquí siem plus dins lo mèsme monde, mas dins un monde sens vergonha. Amo melh pensar a la petita femna dau film que garda son onor.



Des millions... des millions

Un beau film l'autre jour. C'était encore les vacances, un temps idéal pour aller au cinéma... à La Louvesc ! Je ne sais si vous êtes au courant, mais il y a un très bon cinéma au pays de Saint-Régis avec une programmation d'exception. L'été, les films à La Louvesc soutiennent la concurrence avec les meilleurs cinémas d'ici jusqu'à Lyon ! Pour cette année, si vous les avez manqués, c'est fini, il faudra attendre l'été prochain.

Un beau film donc :" La liste de mes envies". Une jeune mercière qui tient une petite boutique en ville aime son travail et le fait remarquablement. Elle aime sa famille et la vie simple, mais animée, qui est la sienne. Elle ne manque pas de travail, de soucis de famille, mais elle sait tenir sa place, de même que l'amitié compte beaucoup pour elle.

Dans cette vie, que l'on peut qualifier d'heureuse, tombe, comme un coup de tonnerre, la nouvelle : elle vient de gagner 18 millions. Et cela lui fait peur. Elle cache son ticket. Puis elle s'interroge sur l'utilisation de tout cet argent. Elle aime son travail et ne veut pas le quitter, elle aime ses camarades, elle aime son mari et il lui plaît de le voir valorisé par son propre travail. Elle a des bonheurs simples, elle ne veut rien changer. Alors elle fait des listes... de ses envies.

Comme c'est une personne simple, elle a des envies simples. Si, dans le même esprit, vous faites une liste, pour un million, il y a beaucoup de possibilités. Si l'idée première est de ne pas trop changer dans sa vie, de ne surtout pas perturber les équilibres, alors 18 millions ce n'est pas rien. Je sais que certains parmi vous vont me dire, envoie l'argent et nous saurons bien quoi en faire ! N'empêche, l'idée du film (qui est tiré d'un livre de Grégoire Delacourt) mérite un moment de réflexion. Du beurre dans les épinards, tout le monde est d'accord, mais il ne faut pas que le beurre noie les épinards, c'est pas bon pour la santé.

Le même jour, les journaux parlaient de Madame Lagarde inquiétée par la justice. On parle de négligences dans le dossier Tapie. Rendez-vous compte, la "négligence" se monte ici à plus de 400 millions, que l'individu a emportés sans se gêner. Ici nous ne sommes plus dans le même monde, mais dans un monde où la honte n'existe plus. J'aime mieux penser à la petite femme de ce film, attachée à son honneur.