L'autre jorn a la tele

Cronica dau dijòus 23 de janvièr 2014

Qu'èra l'autre jorn a la tele, una emission pro plasenta, daube d'animators (4 o 5) desgordits, de bona presentacion e que parlan tant ben, emmenats per una presentatriça blonda que, qu'es pas per dire, mas fai d'efect. Qu'es lo bon moment, sus lo vèspre, la jornaa se tira, l'òm es un pauc flapit e l'òm vòu bien se laissar contar l'anar dau monde per quelas gentas personas.

Fau ben se dire que dins totas quelas emissions veiem mas de monde de París. Passan dejà un bon moment a s'amusar entre eles, a se faire de farças, finalament a se donar d'importança. E nosautres, bonas personas, nos laissem faire, quò nos amusa mesme. Chau dire que se coneisson entre eles, se frequentan, se veion tots los jorns e mèsme, quò arriva, mai d'un còp per jorn. Quand sòrtan d'una ràdio per anar a la tele, se croisan dins los corridors, e mai d'una tele l'autra. E nosautres finalament, los coneissem mai, los veiem sovent... a la tele, amai se qu'es pas franc tots los jorns. E doncas tot aquel petit monde vira e nos en contentem.

Mas aqueste jorn i aguèt coma un fenomène, un moment a part, estrange. Recevián una femna diferenta, una ovrièra, sindicalista qu'a escrit un liure sus son experiença de luta per gardar sa plaça. Èran tots a badar, l'avisar coma una aparicion, e las questions èran simplas. Ganhètz mas 1500 èuros ! Per un travalh d'òme, un travalh dur... E amo mon travalh, respondiá la femna, sió contenta daube l'equipa que travalha daube mi e vòlo pas los deceure, vòlo que sisan contents de mi. Mas 1500 èuros !.. Tot aquel petit monde badavan. A l'aise dins un cocon confortable, èran confrontats a una autra realitat.

Ai pensat a Peire Rosanvallon, un grand professor au Collegi de França, especialista de la democracia. Li sembla, per anar viste, que la societat francèsa es un pauc desorientaa, que los politics l'escotan pas, ensarrats dins lhur monde, entre eles, sens veire la realitat. A vòugut presentar de petits liures, simples, pas chars (5,90 ?) onte de personas van parlar de lhur viá, de la realitat de lhur existença. Lo promèir s'apèla "Lo parlament daus invisibles ". Un autre es escrit per un Antòni (Anthony), de Lion, qu'a 27 ans :"Mi, Antòni, ovrier d'encuei". Coma aquò la paraula es un pauc bailaa au petit monde.

Resta a los legir e me demando se nòstres politics legisson encara... Una bona question a pausar dau temps de la campanha electorala que comença.

A la télé, l'autre jour

C'était l'autre jour à la télé, une émission assez plaisante, avec des animateurs très éveillés (4 ou 5) qui présentent et parlent très bien, dirigés par une présentatrice blonde qui, ma foi, fait son petit effet. Sur le soir, c'est juste un bon moment, la journée se termine, on est un peu fatigué et l'on veut bien se laisser conter la marche du monde par toutes ces belles personnes.

Ce qu'il faut bien comprendre, c'est que dans toutes ces émissions nous ne voyons que des gens de Paris. Tout d'abord, ils passent un bon moment à s'amuser entre eux, à se faire des farces, finalement à se donner de l'importance. Nous, bon public, nous laissons faire, et même ça nous amuse. C'est qu'ils se connaissent entre eux, ils se fréquentent, se voient tous les jours et même, ça arrive, plusieurs fois par jour. Quand ils quittent une radio pour se rendre à la télé, ils se croisent dans les couloirs et de même d'une télé à l'autre. Quant à nous, finalement, nous les connaissons aussi, nous les voyons souvent... à la télé, même si ce n'est pas vraiment tous les jours. Donc, tout ce petit monde va et vient et nous nous en contentons.

Mais ce jour-là, il y eut comme un phénomène, quelque chose d'exceptionnel, d'étrange. Ils recevaient une femme différente, ouvrière, syndicaliste qui a écrit un livre sur son expérience de lutte pour garder son emploi. Ils étaient tous bouche bée à la regarder comme une apparition, les questions étaient simples. Vous ne gagnez que 1500 euros ! Pour un travail d'homme, un travail dur... Et j'aime mon travail, répondait cette femme, je suis contente avec l'équipe qui travaille avec moi, je ne veux pas les décevoir, je veux qu'ils soient contents de moi. Seulement 1500 euros !.. Tout ce petit monde, bien à l'aise dans un cocon confortable, était confronté à une autre réalité.

J'ai pensé alors à Pierre Rosanvallon, un grand professeur au Collège de France, spécialiste de la démocratie. Il lui semble, pour être bref, que la société française est un peu désorientée, que les homme politiques ne l'écoutent pas, enfermés, entre eux, dans leur monde, sans voir la réalité. Il a voulu présenter des petits livres, simples, pas chers (5,90 ?) dans lesquels des gens vont parler de leur vie, de la réalité de leur expérience. Le premier s'appelle : "Le parlement des invisibles". Un autre est écrit par Anthony, de Lyon, 27 ans : "Moi, Anthony, ouvrier d'aujourd'hui". Ainsi, la parole est quelque peu donnée aux petits.

Reste à les lire, et je me demande si nos hommes politiques lisent encore... Une bonne question à leur poser pendant la campagne électorale qui commence.