L'espòrt

Cronica dau dijòus 14 de junh 2012

Los amators de tele se planhan, i a tròp d'espòrt dins los programas dison quauques-uns.

L'autre jorn lo Julon bramava per çò que voliá veire son fulheton, aquel que manca pas tots los vèspres : « Plus genta la viá ». E pataflac ! lo match èra pas fenit a Roland Garròs e li bailèran de tènnis a la plaça dau fulheton, chaupuguèt apeitar. Se fotan dau monde, disiá Jules, d'espòrt, totjorn d'espòrt, i a pas mai qu'aquò a la tele, qun comèrci !

Per lo comèrci a rason lo Julon, siem benlèu en crisa economica mas veiquià un comèrci que marcha, lo tènnis, lo fotbòl, lo torn de França, que vai passar ès nosautres daquestan, e pus los Jècs Olimpics per achabar. avem pas fenit daube l'espòrt aqueste estiu ! E aquí i a de sòus, disiá lo Julon.

Lo papet, qu'ama ben lo rugbi, branlava la tèsta e disiá qu'aquò anava nos chamjar un pauc de la politica per çò que n'i a quasi pro d'aqueste an e i a un moment qu'aquò dura. Per assurat, disiá, i a l'espòrt espectacle, mas i a mai l'exercici fisic, qu'es important per tot lo monde : « Saves ben que fau se bolicar se l'òm vòu restar en bona santat. Los joines fau los encoratjar a faire d'espòrt e l'exemple de la tele aquò marcha. »

Passèran coma aquò mai d'una ora a discutar. Per lo Julon, l'exercici qu'es faire son jardin e son boes per l'ivern ; e coma ditz : « Quand ai lo temps vau mai córrer aus champanhons e saves qu'es un sapre exercici ! »
E lo papet, un pauc mai moderne, mai filosòfe e qu'a pas eissublat sa paura mamet que fasiá son joging per los chamins, pensa que lo dreit a l'espòrt qu'es encara una conquèta dau pòble. Au temps passat los sénhers fasian d'espòrt daube la chaça, lo chaval, l'escrima e mai lo jèc de pauma, e en faça lo petit monde i pensavan pas mèsme, escrasats per lo travalh e la misèra. Encuei, tot lo monde a dreit de prendre son temps, dreit au temps libre e doncas chascun l'ocupa coma vòu.

Le sport

Les téléspectateurs se plaignent, pour certains il y a trop de sport dans les programmes.

Ainsi l'autre jour, l'ami Jules rouspétait car il souhaitait voir son feuilleton, celui qu'il ne manque jamais tous les soirs : « Plus belle la vie », quand patatras ! le match n'étant pas terminé à Roland Garros, il eut droit à du tennis et il fallut attendre. On se moque du monde, disait-il, du sport, toujours du sport, il n'y a plus que ça à la télé, quel commerce !

Pour ce qui est du commerce, il a raison Jules, nous sommes peut-être en crise économique, mais il y a là un commerce qui marche, le tennis, le foot-ball, le tour de France, chez nous cette année, et les Jeux Olympiques pour terminer, l'été sera sportif ! Et pour cela on trouve l'argent, disait Jules.
Le papet, qui, lui, aime bien le rugby, secouait la tête et disait que ça nous changerait de la politique car il y en avait assez cette année et que ça commençait à bien faire. Bien sûr, disait-il, il y a le sport spectacle, mais on ne doit pas oublier l'exercice physique, important pour tous : « Tu sais bien qu'il faut se bouger si l'on veut rester en bonne santé. On doit encourager les jeunes à pratiquer le sport et à ce sujet l'exemple de la télé est très positif ».

Ils passèrent ainsi plus d'une heure à discuter. Pour Jules, l'exercice c'est faire le jardin, son bois pour l'hiver, et comme il dit : « Quand j'ai le temps je vais aussi aux champignons, et tu sais que c'est un fameux exercice ! »
Le papet est un peu plus moderne, plus philosophe, et surtout il se souvient avec émotion de sa femme, la mamet, qui s'était mise au jogging sur les chemins, il pense que le droit au sport c'est aussi une conquête populaire. Autrefois les nobles pratiquaient le sport avec la chasse, la pratique du cheval, l'escrime, et même le jeu de paume, à l'opposé le peuple n'y pensait même pas, écrasé par le travail et la misère.

Aujourd'hui, tout le monde a droit de prendre son temps, droit au temps libre et par conséquent chacun l'occupe à sa guise.