Energias, que de nòve ?


Cronica dau dijòus 25 d'aòst de 2011

Avètz benlèu remarcat que sovent l'òm rencontra aquestes jorns de charjaments de bòsc. Lo monde rintran son bòsc per l'ivern. Se aviam parlat d'aquò i a solament dètz ans auriam fait rire. Anar au bòsc o faire rintrar son bòsc vos pausava coma quauqu'un d'una autra epòca, quasi un òme dau passat, un passeïsta coma disem en francés. La mòda a gaire tochat las vilas, mas economiàs e ecologia fan que s'es desvelopat l'usatge dau bòsc-energia, mesme dins las collectivitats daube los granulats de bòsc. Per quant de temps ? Tant que lo prètz montará pas tròp, per assurat.

Fau dire que nos siem ben fait paur daube lo nuclear, daube Tchernobyl per començar, mas aquí nos sièm laissat colhonar, aquesta fes, daube Fukushima, avem comprés que las veiaas serián pas pus coma davant. Feniàs las messonjas sus lo tot nuclear e la securitat nòstra, tant granda que los accidents poirián arrivar qu'aus autres. Dengun pòt plus i creire e savem que siem tots embarcats dins lo mesme batèl e que de solucions per l'energia ne'n chau cherchar d'un autre costat.

Alara sòrtan de possibilitats nombrosas qu'èran jamai estat seriosament estudiaas. Avètz benlèu auvit parlar de l'usina maremotriça de la Rança, en Bretanha, inauguraa en 1966, dempuei n'avem gaire plus de novèlas. E pasmens tot aquele temps a virat e fait d'electricitat. Mas chaliá pas parlar de ren d'autre que dau nuclear, qu'èra la doctrina oficiala.

Encuei, ren que dau costat de la mar an trovat de nombrosas possibilitats de faire d'electricitat. Lo vent, d'assurat, que las eolianas lai seràn melhor plaçaas qu'au Rovesc, puei los corrents, nombrós en mar. Una installacion será essaiaa en setembre dau latz de Paimpòl. I a encara las vagas, la biomassa daube las algas, la diferéncia de temperatura entre las aigas de surfaça e aquelas mai prigondas, e encara la sau. Pareis qu'entre l'aiga de mar e l'aiga doça se pòt faire d'electricitat. Siem benlèu sortits de l'escurantisme, de las bòrnas prigondas onte avián ensarrat l'inovacion scientifica. Per avançar, chaupuguèt encara apeitar los accidents, los mòrts...



Energies, quoi de neuf ?

Peut-être avez-vous remarqué que l'on rencontre ces jours-ci des chargements de bois. Les gens rentrent leur bois pour l'hiver. Si nous avions parlé de cela il y a seulement dix ans, nous aurions fait rire. Aller au bois ou faire rentrer son bois et vous étiez étiqueté comme quelqu'un d'une autre époque, un homme du passé, un passéiste. La mode n'a guère touché les villes, mais faire des économies et l'idée écologique font que s'est développé l'usage du bois-énergie, même dans les collectivités avec l'usage des granulés de bois. Pour combien de temps ? Tant que le prix ne grimpera pas trop sûrement.

Il faut dire que nous avons eu bien peur avec le nucléaire, tout d'abord avec Tchernobyl, mais là nous nous sommes fait avoir, cette fois, avec Fukushima, nous avons compris que les choses ne pourraient plus être comme avant. Finis les mensonges sur le tout nucléaire et la sécurité si absolue que les accidents ne pourraient arriver qu'aux autres. Personne ne peut plus y croire et nous savons que nous sommes tous embarqués sur le même bateau, les solutions pour l'énergie il faut les chercher ailleurs.

Alors apparaissent des possibilités nombreuses qui n'avaient jamais été étudiées sérieusement. Peut-être avez-vous entendu parler de l'usine marémotrice de la Rance, en Bretagne, inaugurée en 1966, et dont nous n'avons plus guère de nouvelles depuis. Cependant elle a fonctionné, fonctionne encore et fait de l'électricité. Mais on ne parlait de rien d'autre que du nucléaire, c'était la doctrine officielle.

Aujourd'hui, seulement avec la mer, on trouve de nombreuses possibilités de produire de l'électricité. Le vent, bien sûr, et les éoliennes y trouveront mieux leur place qu'au Rouvesc, puis les courants marins, très nombreux. Une installation doit être testée en septembre du côté de Paimpol. Il y a encore les vagues, la biomasse avec les algues, la différence de température entre les eaux de surface et les eaux profondes et aussi le sel. Il paraît qu'entre l'eau de mer et l'eau douce il est possible d'obtenir de l'électricité. Nous sommes peut-être enfin sortis de l'obscurantisme, des cavernes profondes où l'on avait enfermé l'innovation scientifique. Pour avancer, il a encore fallu attendre les accidents, les morts...