|
Cronica dau dijòus 21 de feurèir 2013
|
Lo curat de La Fara èra dins nòstra mitologia nòrd-vivarèsa un personatge que se poviá pas mancar. I aviá totjorn quauqu'un per contar una istoara d'aquel capelan, coma disian autrafés vès Anonai. E aquelas istoaras faguèran encara los bons moments de las emissions occitanas sus las ràdios localas, au temps onte existavan sus aquelas ràdios d'Anonai, d'emissions localas en linga dau país.
Joannés Dufaud a recaptat aquelas istòrias dins un libre que malurosament es completament agotat. Avem aquí un bon repertòri d'aqueles contes, mas ai pas trovat e ai jamai auvit dire que lo curat de La Fara aguesse demissionat. Mas quau pensa encuèi au curat de La Fara ? A una epòca de mondializacion, de susinformacion, lo capelan que se ne'n parla lo mai sovent iura, es lo papa. Poiriam quasi dire que coneissem totas las istoaras de l'evesque de Roma.
E justament, mai fòrt que lo curat de La Fara, lo papa a demissionat. Aquela demission pausa problema a nòstres amics Julon e lo papet que sió anat veire. « Quand demissionas, disiá lo papet, pòrtas ta demission au patron, e coma fai lo papa qu'a gis de patron ? Mèsma los patrons an un conselh d'administracion, lo president de la Republica rend compte au pòble, mas lo papa ? » « Qu'es justament, disiá Julon, que normalament lo papa pòt pas demissionar per çò que lo papa es infalhible, e degun ne'n parla plus encuei. Lo papa qu'es lo promèir, tot a costat dau Bon Dieu, quasi lo Bon Dieu, per causa son infalhibilitat, e doncas pòt pas demissionar. »
Qu'es un òme coma los autres, respondiá lo papet, qu'es franc laïc e qu'aquelas istoaras de curat enervan. Lo Juli èra seriós, disiá que justament semblava que lo chamjament seguesse mai qu'important se lo papa deveniá doncas un òme coma los autres. Perdem, disiá, tota la dimension divina, de susnatural, de mervelhós se amas melh. Damatge per çò que los òmes n'an tant besonh.
Le curé de La Farre était dans notre mythologie nord-vivaroise un personnage incontournable. Toujours quelqu'un était prêt à raconter une histoire de ce curé. Ces histoires firent encore les beaux jours des émissions occitanes sur les radios locales, à l'époque où existaient, sur ces radios annonéennes, des émissions locales en langue du pays.
Joannés Dufaud a recueilli ces histoires dans un ouvrage malheureusement complètement épuisé. Nous avons là un bon répertoire de ces contes, mais je n'ai pas trouvé, ni jamais entendu dire que le curé de La Farre ait démissionné. Mais qui pense encore aujourd'hui au curé de La Farre ? A notre époque de mondialisation, de surinformation, le prêtre dont on parle le plus souvent aujourd'hui, c'est le pape. On pourrait presque dire que nous connaissons toutes les histoires de l'évêque de Rome.
Justement, plus fort que le curé de La Farre, le pape a démissionné. Cette démission pose problème à nos amis Jules et le papet, que je suis allé voir. « Lorsque tu démissionnes, disait le papet, tu portes ta démission au patron, comment fait le pape qui n'a pas de patron ? Même les patrons ont un conseil d'administration, le président de la République rend compte au peuple, mais le pape ? » « Justement, disait Jules, normalement le pape ne peut pas démissionner, il y a quelque chose dont personne ne parle aujourd'hui, le pape est infaillible. Le pape c'est le tout premier, juste à côté du Bon Dieu, presque le Bon Dieu, justement à cause de son infaillibilité, donc il ne peut démissionner. »
C'est un homme comme les autres, répondait le papet, en bon laïc que ces histoires de curé énervent. Jules était sérieux, il disait que justement le changement était très important si le pape devenait un homme comme les autres. Nous perdons, disait-il, toute la dimension de divin, de surnaturel, de merveilleux si tu préfères. C'est bien dommage car les hommes en ont tellement besoin.