Chau tot faire

Cronica dau dijòus 27 feurèir 2014

Me chau tot faire.

Encuei anem parlar coisina, vòle dire, coisina dau jornal. Savo, e ne'n sió ben pro fièr, qu'ai de lectors fideles dins aqueste jornal. Qu'es per aquò que l'autra setmana quand i aguèt pas de Revessin, pas de cronica, èro ben enoiat en badant lo jornal. Quand l'òm-z-a un rendètz-vos daube lo monde, l'òm se li ten, o chau au mens s'excusar se l'òm pòt pas i anar. Mas aquí pas una linha per informar, per bailar dos mots d'explicacion. E lo Revessin se sent mau, un pauc vergonhós.

Bon. La rason : mancava de plaça, lo Revelh èra plen coma un eu, m'an dit. En cherchant un pauc, ai melhs comprès. La plaça de l'occitan es en-dessós daus "Avís de decès ", sus doas colonas, e de còps i a mai una petita publicitat, aquò fai que lo nòstre fenestron se sarra, que la plaça ven a mancar e l'autra fes i aviá tròp de decès, la cronica i chaviá pas.

Fau pas se plànher, aqueles qu'atèiran los articles an pas lo travalh lo mai aisat e avètz remarcat que mai d'un còp son forçats de diminuar la grossor de las letras dins nòstre carrat occitan. Coma faire per se'n sortir ? Vèio que doas ipotèsis : sise lo Revessin es tròp bavard, sise la plaça dins lo jornal es pas la bona.

Per çò qu'es dau Revessin, la plaça i manca totjorn per dire çò que i a de dire. Savo ben que de lhi sarrar un pau son bèc l'empacha de tant bartavelar, mas un còp per setmana qu'es pas grand veiaa ! E quau francés que fau plaçar a la suita, la traduccion, aquò dobla encara lo volume. Chau doncas trovar de plaça per l'occitan !

Justament, l'emplaçament seriá pas lo bon ? Nombrós dison que la plaça vai bien, que la cronica es botaa en valor coma quò. De veire. Qu'es benlèu pas lo melhor emplaçament per marcar la modernitat de la linga e sustot per atirar los joines. Aquò se pòt discutar. Mas vòlo pas me fachar daube lo jornal e vos o diso entre nosautres, ne'n siem quasi a la 200e cronica e voudrió bien i arrivar.

Veio plus qu'una solucion, arrestar de merir per que los "Avís de decès" tenguèssan plus tant de plaça. Anètz encara un esfòrç, fau plus merir.

Il faut tout faire.

Je dois tout faire.

Aujourd'hui nous allons parler cuisine, je veux dire, cuisine du journal. Je sais, et je n'en suis pas peu fier, que j'ai quelques lecteurs fidèles dans ce journal. C'est la raison pour laquelle, l'autre semaine, j'étais bien ennuyé, en ouvrant le journal, de voir qu'il n'y avait pas de chronique, pas de Revessin. Lorsqu'on a un rendez-vous avec les gens, on s'y tient, et il faut au moins s'excuser quand on ne peut s'y rendre. En l'occurrence, pas une ligne pour informer, pour donner deux mots d'explication. Alors le Revessin le ressent mal, tout honteux.

Bon. La cause : la place manquait, le Réveil était plein comme un ouf, m'a-t-on dit. En approfondissant, j'ai mieux compris. La place de l'occitan est au-dessous des "Avis de Décès", sur deux colonnes, parfois il y a aussi une petite publicité ce qui fait que notre lucarne diminue et que la place vient à manquer. Ce jour-là, la chronique n'y rentrait plus.

Il ne faut pas se plaindre, ceux qui font la mise en page n'ont pas le travail le plus facile et vous avez peut-être remarqué que plus d'une fois ils sont obligés de diminuer la taille des caractères à l'intérieur de notre encadré occitan. Quelle est la solution ? Je ne vois que deux hypothèses : soit le Revessin est trop bavard, soit la place attribuée dans le journal n'est pas la bonne.

Pour ce qui est du Revessin, la place lui manque toujours, tellement il y a à dire. Je sais bien que le contraindre un peu l'empêche de tant se répandre, mais ce n'est qu'une fois par semaine, pas grand-chose ! Et il y a ce français qu'il faut placer à la suite, la traduction, cela double le volume. Il faut donc trouver de la place pour l'occitan !

Et si justement l'emplacement n'était pas le bon ? Nombreux sont ceux qui disent que la place est bonne que la chronique est ainsi mise en valeur. C'est à voir, l'emplacement n'est peut-être pas le meilleur pour marquer la modernité de la langue et surtout pour attirer les jeunes. Cela peut se discuter. Mais je ne veux pas me fâcher avec le journal car, je vous le dis entre nous, nous sommes proches de la 200° chronique et je voudrais bien y arriver.

Je ne vois plus qu'une solution, arrêter de mourir afin que les "Avis de décès" ne tiennent plus autant de place. Allez, encore un effort, arrêtons de mourir.