|
Cronica dau dijòus 7 de janvièr 2015
|
Coma l'an novèl es arrivat es mai vengut lo temps de las bonas resolucions per d'aqueste an. Parèis, nos dison los « medias », que la promèira preocupacion de nòstres compatriòtas es de gardar la linha. Es per aquò que vòlon tots faire mai d'exercice e mai d'espòrt.
Ne'n parlàvam justament daube lo papet e l'amic Julon de la Tartariá. Vos ai sovent parlat de nòstras reünions a l'entorn d'un cachacrosta e de la sampòta de Sirà dau papet. Aquí, ensems, tornem faire lo monde e repassem l'actualitat. E lo papet nos rapelava lo sovenir de sa paura mamet qu'amava tant, soliá, faire son jòging dins la Vocança :"E l'aviá, la linha, aquela brava femna !" Aquò fai mai de cinc ans que s'es en anaa la mamet, mas lo papet ne'n parla encara la larma a l'elh.
Per lo moment avem decidat que tornariam faire nòstres jardins e qu'es dejà pas tant mau coma espòrt. Autra resolucion, nòstras reünions las farem iura totas en linga dau país. "La linga occitana dèu viure e nosautres farem tot per que se perde pas". Èra remontat lo papet :"Savètz que me sento Francés tant coma bien d'autres, mas ai totjorn agut quaucòm de mai, qu'es aquela linga que fai que me sento mai d'un país qu'a pas jamai existat, sus los papièrs, mas qu'exista pasmens e que viu encara per sa linga, sa cultura e tot un biais de viure.
- As franc rason, disiá Jules, qu'es per aquò que, si gardem la linga entre nosautres, la fau mai dins la viá publica e deu aver una plus granda visibilitat per charrèiras. E per aquò nos fau d'elegits, de politics, per portar nòstre ressentit, nòstra sensibilitat occitana.
- Aquí siem mau partits, disiá lo papet, pessimista, mesme en vila me sembla que n'i a gaire que s'intereissan a nosautres.
- Fau pas creire, pas desesperar, respondiá Jules, las veiaas se van esmodar un jorn."
E mi los escotavo, content de me dire que per un còp èro pas solet a prechar dins lo desert. Avem pas achabat la sampòta dau papet, un tonelon que fai quasi cent litres, mas avem pres una autra decision : legiriam tots, aumens un liure en occitan din l'an, l'edicion en occitan es pro dinamica e la fau sostenir. E puei coma aquò aurem d'aqueste an de bons sujets de discussion a l'entorn dau tonelon dau papet.
Avec la nouvelle année est venu le temps des bonnes résolutions. Les médias nous disent que, paraît-il, la première préoccupation de nos compatriotes est de garder la ligne. C'est la raison pour laquelle ils veulent faire davantage d'exercice, de sport.
Nous en parlions justement avec le papet et l'ami Jules de la Tartarie. Je vous ai souvent parlé de nos réunions autour d'un casse-croûte et du petit tonneau de Syrah du papet. Là, ensemble, nous refaisons le monde et nous repassons l'actualité. Le papet nous rappelait le souvenir de sa défunte mamet qui aimait tant, autrefois, faire son jogging dans la Vocance :"Et elle l'avait, la ligne, cette brave femme !" Voilà cinq ans qu'elle est partie la mamet, mais le papet en parle encore la larme à l'oil.
Pour le moment notre décision fut que nous reprendrions soigneusement nos jardins, c'est déjà pas si mal comme sport. Autre résolution, nos réunions nous les ferons maintenant toutes dans la langue du pays. "La langue occitane doit vivre et nous ferons tout pour cela". Il était remonté le papet :"Vous savez que je me sens Français tout autant que d'autres, mais j'ai toujours ressenti quelque chose de plus, c'est cette langue qui fait que je me sens aussi d'un pays qui n'a jamais existé, sur le papier, mais qui pourtant existe et vit encore par sa langue, sa culture, et tout un art de vivre.
- Tu as tout à fait raison, disait Jules, c'est pourquoi, si nous gardons la langue entre nous, il la faut aussi dans la vie publique, elle doit avoir une plus grande visibilité dans les rues. Pour cela il nous faut des élus, des politiques qui portent notre point de vue, notre sensibilité occitane.
- Là nous sommes bien mal partis, disait le papet, bien pessimiste, même ici, en ville, il me semble qu'il n'y en a guère qui s'intéressent à nous.
- Détrompe-toi, il ne faut pas désespérer, répondait Jules, les choses bougeront un jour."
Moi, je les écoutais, satisfait de me dire que pour une fois je n'étais pas seul à prêcher dans le désert. Nous n'avons pas fini le petit tonneau du papet, il fait presque cent litres, mais nous avons pris une autre décision : nous lirions tous au moins un livre en occitan dans l'année, car l'édition occitane est dynamique et on doit la soutenir. De cette façon nous aurons cette année, de bons sujets de discussion autour du petit tonneau du papet.