Lo Bon An

Cronica dau dijòus 9 de janvièr 2014

Lo darrèir còp que vos escrivió qu'èra encara en 2013. Lo jornal sortiá per lo 2 de janvièr e coma voliam pas passar la fèsta dau novèl an au travalh, aviam mandat nòstras copias per lo 31. Aquò fai que vos ai pas encara sovetat lo Bon An.

Se vos expliquo la coisina dau jornal, qu'es un pauc d'informacion, mas qu'es sustot per vos distraire, vos amusar, vos deslassar. De temps en temps l'òm pòt pas se'n passar. La darrèira cronica èra seriosa, que chau pas laissar passar d'idèias, de veiaas que senton pas bon. Aquela será mai leugèira, n'avem de besonh coma daus repasts mai leugèirs d'après las fèstas. Empacha pas de parlar de biais e mai de pensar un tant se pèc.

Vos racontavo lo jornal, ne'n veiquià un de sujet de reflexion e seriá benlèu lo còp de ne'n parlar. D'assurat, ai pas la mendra autoritat per o faire, li coneisso pas grand veiaa e mesme li coneisso pas grand monde, sió solet dins mon recanton e ai pas la mendra responsabilitat. De'n bada, veiquià quatre ans que me supòrtan a faire lo jornalista sens n'èsser un, e finalament l'òm se sent coma embarcat dins lo batèl.

La premsa escrita a de dificultats, tot lo monde o sap e se'n parla sovent. I a pas de rasons que Le Réveil aguesse pas mai sas dificultats, mas me sembla que, per lo moment, se'n tira pas tròp mau. Benlèu lo legisso daube mai d'atencion dempuei que ne'n fau un brison partiá, mas me sembla que s'es melhorat e que se melhora encara.

Vos vèio dejà rire que pensètz que vòlo me far ben veire...etc... Qu'es pas tant seür qu'aquò e seràn benlèu pas talament contents. Mas qu'èra juste per dire que me sembla franc damatge que la premsa escrita sise menaçaa perque çò qu'es escrit, imprimat, es fixat un moment e pòt faire referença de temps. Será benlèu parièr per çò qu'es electronic, e sió lo promèir a i passar mon temps sus aquelas machinas, mas sembla que tot aiçí demòra pro volatiu per lo moment.

D'un pauc mai anavo eissublar ma promèira idèia, lo Bon An. L'anem sovetar au jornal tant que li siem, a tota la premsa escrita mai, mas davant tot a aqueles que la legisson, a vosautres que suportètz mos bilhets, contents o maucontents, un Bon An doncas a tots, daube plen de petits boneurs, e mai de plus bèls se volètz.

La Bonne Année

La dernière fois que je vous écrivais, c'était encore en 2013. Le journal paraissait le 2 janvier et comme nous ne voulions pas passer la fête du nouvel an au travail, nous avons envoyé nos copies pour le 31. C'est pourquoi je ne vous ai pas encore souhaité une bonne année.

Si je vous explique ainsi la cuisine du journal, c'est un peu d'information, mais surtout afin de vous distraire, vous divertir, vous reposer aussi. C'est indispensable de temps en temps. La chronique précédente était sérieuse car il ne faut pas laisser passer les idées et les affaires nauséabondes. Celle-ci sera plus légère, c'est nécessaire, comme ces repas allégés d'après les fêtes. Cela n'empêche pas un peu de réflexion.

J'évoquais le journal, voilà un sujet de réflexion et ce serait bien l'occasion d'en parler. Ce qui est sûr c'est que je n'ai pas la moindre autorité pour le faire, je ne suis guère compétent et je n'y connais pas grand monde. J'y suis seul dans mon petit coin et n'ai pas la moindre responsabilité. N'empêche, voilà quatre ans qu'ils me supportent à faire le journaliste, sans en être un, et au bout du compte on se sent comme embarqué dans le bateau.

La presse écrite a des difficultés, tout le monde le sait et c'est un sujet fréquemment évoqué. Il n'y a pas de raison pour que « Le Réveil » n'ait pas lui aussi des difficultés mais il me semble que pour le moment, il ne s'en tire pas trop mal. Je le lis peut-être avec plus d'attention depuis que j'en fais un peu parti mais il me semble qu'il s'est amélioré et qu'il s'améliore encore.

Je vous vois déjà rire, car vous pensez que je veux me faire bien voir...etc... Ce n'est pas si sûr et ils ne seront peut-être pas très contents. C'était seulement pour dire qu'il me paraît dommage que la presse écrite soit menacée car ce qui est écrit, imprimé est fixé pour un moment et peut faire référence un certain temps. Cela deviendra peut-être aussi le cas pour tout ce qui est électronique et je suis le premier à y passer beaucoup de temps, mais il semble que, pour le moment, tout y soit bien volatil.

Pour un peu j'allais oublier ma première idée, la bonne année. Tant que nous y sommes nous la souhaitons bonne pour le journal, pour toute la presse écrite également, mais avant tout pour ceux qui la lisent, pour vous qui, contents ou mécontents, supportez mes billets, bonne année à tous avec plein de petits bonheurs... et aussi des grands, si vous le souhaitez.