Una salada de barabans


Cronica dau dijòus 5 de janvièr 2012

Dins lo temps la maire nos fasiá faire las cartas de vòts per la familha : « Tu que vas a l'escòla, disiá, quò te será mai facile qu'a nosautres, que ton paire ten mieus lo manche de la piocha que lo pòrtapluma ». Encuei siem sus internet e venon d'en pertot los messatges, e l'òm respond de temps en temps, pus l'òm se rapèla pas çò que l'òm z-a mandat aus uns e aus autres. Vosautres siètz benlèu ben organizat e avètz bien alinhat tot aquò. Mi, quò me cassa un pauc la tèsta e sió content de vos escriure un petit mot que legirètz tots au còp.

I a pasmens un messatge internet que me faguèt plaser, disiá : « Beucòp de petiòtas chausas que rendan la viá mai agreabla. » Quna bona idèia, e ne'n manca pas de petitas veiaas que nos fan plaser e que fau vite ne'n profitar quand qu'es lo moment ! Lo solelh que se lèva, o que se coja, prendre lo temps de l'avisar, un petit moment a ren faire, just per se. La botelha de Sent Josèp que l'òm bada, que l'òm tasta. Pas forçat de la fenir de suita, n'i a que la fan durar tota la setmana e qu'es autant de petits plasers. E la bona partiá de cartas o de petanca daube los veisins, los amics. E mèsme au travalh i a de bons moments : las blagas daus uns o daus autres, lo sorrire de la veisina de talhièr (o dau veisin), los petits servicis que l'òm se rend e que fan tant plaser a aquel que lo fai coma a aquel que lo recèu. E la caressa a ton chin, a ton miron e benlèu mai a ton peisson rotge. Per ta femna o ton òme ne'n parlarem pas.

Una bona sopa de temps en temps, un bon liure bien au chaud o a l'ombra l'estiu.Vos avió parlat, i a de temps, d'aquela femna que sos enfants anavan veire a la maison de retreta, èra contenta quand i adusian una part de lard o, per la prima, una salada de lanteirons...

Veiètz que i a pas besonh de milions per se faire plaser (mesme se aquò gasta ren), avètz mas contunhar la lista, per d'aqueste an vos soeto tant de bons moments e tots los jorns. Bon an e bona lectura en tots.


Une salade de pissenlit.

Autrefois maman nous faisait faire les cartes de voux pour la famille : « Toi, qui vas à l'école, disait-elle, ça te sera plus facile qu'à nous, d'ailleurs ton père tient mieux le manche de la pioche que le porte-plume ».

Aujourd'hui nous allons sur internet et les messages arrivent de partout, on répond de temps en temps et puis on oublie un peu ce que l'on a envoyé aux uns et aux autres. Peut-être êtes-vous mieux organisés et chez vous tout est bien rangé. Pour ma part cela m'ennuie un peu, je suis donc content de vous écrire un petit mot que vous lirez tous à la fois.

Il y a cependant un message internet qui m'a fait plaisir, il disait : « Beaucoup de petites choses qui rendent la vie plus agréable ». Quelle bonne idée, les petits plaisirs ne manquent pas et il faut vite en profiter lorsque c'est le moment ! Le lever ou le coucher du soleil, prendre le temps de l'observer, un petit moment de calme, rien que pour soi. La bouteille de Saint-Joseph que l'on ouvre, que l'on goûte, et l'on n'est pas obligé de la finir tout de suite, certains la font durer toute la semaine et c'est autant de petits plaisirs. Il y a la partie de cartes ou de pétanque avec les voisins ou les amis. Même au travail il y a de bons moments : les blagues des uns ou des autres, le sourire de la voisine d'atelier (ou du voisin), les petits services que l'on se rend et qui font autant plaisir à celui qui les fait qu'à celui qui les reçoit. Et la caresse à ton chien, à ton chat, et pourquoi pas au poisson rouge. Pour ce qui concerne ta femme ou ton homme nous n'en parlerons pas. Une bonne soupe de temps en temps, un bon livre bien au chaud ou à l'ombre l'été.Nous avions parlé, il y a déjà longtemps, de cette femme que ses enfants allaient voir à la maison de retraite, elle était contente qu'ils lui apportent un morceau de lard ou, au printemps, une salade de pissenlits.

Il n'y a donc pas besoin de millions pour se faire plaisir (même si cela ne gâte rien), je vous laisse continuer la liste en vous souhaitant beaucoup de bons moments et tous les jours. Bonne année et bonne lecture à tous.