|
Cronica dau dimècres 22 d'avril 2015
|
Dissande, sus la plaça, au marchat, quand retrovèro lo papet èra un còp de mai en colèra. Aviá gaitat dijòus dins lo fenestron de la tele l'emission « suplement d'enquesta » que parlava de las campanhas que son abandonaas per los operators dau telefòne, tant coma per tot çò que fuguèt servicis publics. Aquí parlavan encara d' « apartheid ».
Per un còp anem pas nos enervar daube aquel mot que sembla empruntat, coma tant d'autres, a l'angloamerican.
Se tròva que non pas, ven dau francés per una bona part. Justament « à part », que poiriá mai èsser l'occitan « a part », a bailat en neerlandés : « apart » e lhi an apejat lo sufixi -heid, totjorn neerlandés. Aquò fai que l'òm retrova totjorn l'idèia d'èsser « a part » coma l'èran los negres en Africa dau Sud dau temps de la segregacion activa.
Doncas son bien « a part » lo monde de las banlèias, abandonats daus servicis publics e mesme de las autoritats, e son « a part » aqueles que vòlon demorar dins las campanhas dau temps que de mai en mai nòstres compatriòtes s'acuchan dins las vilas.
Dijòus la tele parlava dau telefòne, lo portable per començar, mas savem tots que l'i a tant d'endreits onte, coma l'òm dis : « quò passa pas ». Mas ce que volián aquel monde qu'es lo bon vielh telefòne daube son fiu, que nos adutz mai l'internet illimitat. Aquí començava la galèra daube las linhas que son plus mantenguas en bon estat. Fius a tèrra, postèus esbolhats, qu'es una desolacion. D'equipas de societats privaas son mandaas per de reparacions, mas qu'es coma botar un emplastre sus una chamba de boès, i a plus ren que ten. Mai qu'aquò : « per reparar l'un, bòtan l'autre en pana ! » disiá lo maira d'una petita comuna.
Beviam un còp daube lo Julon que nos aviá retrovats e coma a tant mai la tèsta politica que nosautres nos faguèt :
- Veiètz lo resultat de l'abandon daus servicis publics. Autres còps las linhas èran tant bien entretenguas a la campanha coma en vila. I aviá una solidaritat e las equipas de las P.T.T. avián a còr de rendre servici a tot lo monde e las linhas èran de qualitat de pertot. Iura, privatizacion, s'ocupan mas de çò que rapòrta pro. E quand l'òm pensa que fuguèt tant criticat lo servici public, mocats aqueles qu'èran de fonccionaris e que devorissián nòstres impòsts. Deviam ben pasmens ganhar un pauc de sòus daube lhur travalh, que lo privat se n'emparèt.
Lo papet aguèt lo darrèir mot :
- Quand i a plus de solidaritat, solament l'interest, per fòrça n'i a que son « a part », qu'es aquí qu'arriva l'apart-heid.
Samedi, sur la place du marché, lorsque je retrouvai le papet, il était une fois de plus en colère. Jeudi il avait regardé à la télé l'émission « supplément d'enquête » qui parlait des campagnes abandonnées par les opérateurs du téléphone, ainsi que par tout ce qui fut services publics. Là on parlait encore d' « apartheid »
Pour une fois nous ne nous énerverons pas avec ce mot qui semble emprunté, comme si souvent, à l'anglo-américain. Il se trouve que non, il vient même pour une bonne part du français. Justement « à part », qui pourrait être aussi l'occitan « a part », a donné en néerlandais : « apart » auquel on a collé le suffixe néerlandais -heid. Ce qui fait que l'on retrouve toujours l'idée d'être « à part » comme l'étaient les noirs en Afrique du Sud au temps de la ségrégation active.
Ils sont donc bien « à part » les gens des banlieues, abandonnés par les services publics et même par les autorités, comme son « à part » ceux qui veulent rester dans les campagnes alors que de plus en plus de nos compatriotes s'entassent dans les villes.
Jeudi la télé parlait donc du téléphone, du portable d'abord, mais nous savons tous qu'il y a beaucoup d'endroits où, comme l'on dit : « ça ne passe pas ». Mais ce que voulaient ces gens, c'est le bon vieux téléphone avec son fil, celui qui vous permet l'internet illimité. C'est là que commençait la galère avec les lignes qui ne sont plus maintenues en bon état. Fils à terre, poteaux cassés, c'est une désolation. Ce sont des sociétés privées qui envoient des équipes pour les réparations mais c'est comme un emplâtre sur une jambe de bois, plus rien ne tient. Pire : « pour réparer chez l'un, on met en panne chez l'autre! » disait le maire d'une petite commune.
Nous buvions un coup avec Jules qui nous avait rejoints et comme il a plus que nous la tête politique il nous expliqua :
- Vous voyez là le résultat de l'abandon des services publics. Autrefois les lignes étaient aussi bien entretenues à la campagne qu'en ville. Une solidarité existait et les équipes des P.T.T. avaient à cour de rendre service à tous et les lignes étaient partout de qualité. Maintenant on s'occupe seulement de ce qui rapporte suffisamment. Et dire qu'il fut tant critiqué le service public, moqués ceux qui étaient fonctionnaires et dévoraient nos impôts. Pourtant il devait bien y avoir un bon rapport dans leur travail, puisque le privé s'en est emparé. »
C'est le papet qui eut le dernier mot :
- Quand il n'y a plus de solidarité, seulement l'intérêt, forcément certains restent à part, alors commence l'apartheid.